Атырауда бес гол соғылып, нәтижелі тең ойын тіркелді: ҚПЛ-да екі матч аяқталды
Жексенбі, 25 қазанда Қазақстан Премьер-лигасының 29-туры аясында екі матч өтіп, онда «Ертіс» «Атырауды» жеңсе, «Алтай» мен «Елімай» ұпай бөлісті, деп хабарлайды Sports24.kz.
Атырауда жергілікті команда павлодарлық «Ертісті» қабылдады. Кездесу қонақтардың 3:2 есебіндегі жеңісімен аяқталды.
14-минутта Мамаду Мбодж павлодарлықтарды алға шығарды. Алайда үзіліске дейін Дорже Пантелич есепті теңестірді. Екінші таймның басында Руслан Юденковтың автоголы алаң иелеріне алға шығуға мүмкіндік берді.
61-минутта Тимур Мухаметжанов есепті теңестірсе, араға 11 минут салып Юденков өз қателігін түзеп, «Ертіске» жеңіс сыйлады.
Параллель өткен кездесуде «Алтай» семейлік «Елімайды» қабылдады. Командалар екі голдан соғып, тартысты 2:2 есебімен тең аяқтады.
Алаң иелері сапынан Драган Стоисавлевич пен Дарко Додев көзге түсті. Қонақтар қатарында Марин Беланчич пен Рамазан Оразов гол соқты.
25 қазандағы ҚПЛ матчтарының нәтижелері:
«Атырау» — «Ертіс» — 2:3.
«Алтай» — «Елімай» — 2:2.
Осы кездесулерден кейін «Ертіс» 29 ұпай жинады, ал «Атыраудың» еншісінде 27 ұпай қалды. «Елімайдың» активінде 45 ұпай болса, «Алтай» 27 ұпайға ие.
Кейінірек 29-тур аясында тағы екі матч өтеді: «Ақтөбе» — «Қайрат» және «Астана» — «Қайсар».
