«Ақтөбе» сәтсіз маусымнан кейін танымал бапкерді тағайындауға дайындалып жатыр
Қазақстан Премьер-лигасындағы маусым аяқталғаннан кейін «Ақтөбеде» құрамға қатысты елеулі өзгерістер күтілуде. Клуб бас бапкер Игорь Черевченкомен қоштасып, оның орнына танымал еуропалық маманды шақыруды жоспарлап отыр, деп хабарлайды Sports24.kz.
KazFootball.kz мәліметінше, клуб иесі Нұрлан Артықбаев команданың өткен чемпионаттағы нәтижелеріне көңілі толмаған. «Ақтөбе» 2026 жылғы маусымды турнир кестесінде бесінші орынмен аяқтап, алдына қойылған міндеттерді орындай алмады.
Басшылық жағдайды келесі жылдың өзінде өзгертуді көздеп отыр. Басты мақсаттар — чемпиондық атақ үшін күресу және клубты еурокубоктарға қайтару.
Бұл мақсаттарға жету үшін құрамды айтарлықтай күшейту жоспарланған. «Ақтөбе» сапалы шетелдік футболшыларды шақырумен қатар, қазақстандық ойыншыларға да сенім артпақ.
Негізгі шешімдердің бірі — танымал еуропалық бапкерді тағайындау. Әзірге ықтимал үміткердің есімі жарияланған жоқ.
Қазіргі бас бапкер Игорь Черевченко команданы 2026 жылдың шілдесінде қабылдады. Оның жетекшілігімен ақтөбеліктер чемпионатта 11 матч өткізіп, бес рет жеңіске жетті, үш рет тең ойнап, үш кездесуде жеңіліс тапты.
Осылайша, «Ақтөбе» келесі маусымды жаңа бапкерлер штабымен және айтарлықтай жаңарған құраммен бастауы мүмкін. Алдағы өзгерістер әзірге ресми түрде расталған жоқ.
