«Астон Вилла» «Челсиді» жеңіп, жеңісті сериясын қатарынан 11 ойынға жеткізді
«Астон Вилланың» барлық турнирдегі жеңісті сериясы жалғасын тапты. 27 желтоқсанда АПЛ аясында қонақта «Челсиді» жеңгеннен кейін, бұл серия қатарынан 11 матчқа дейін өсті.
Лондонда «ақсүйектерге» қарсы өткен кездесу 1:2 есебімен бирмингемдік команданың пайдасына аяқталды. Сонымен қатар, премьер-лига аясындағы «Вилланың» жеңісті сериясы сегіз ойынға жетті.
Бирмингемдіктердің жеңісті шеруі 9 қарашада өз алаңында «Борнмутты» (4:0) тізе бүктіргеннен басталды. Одан кейін чемпионатта «Лидс» (2:1), «Вулверхэмптон» (1:0), «Брайтон» (4:3), «Арсенал» (2:1), «Вест Хэм» (3:2) және «Манчестер Юнайтед» (2:1) командаларын ұтты. Бұдан бөлек, «Вилла» Еуропа Лигасының топтық кезеңінде тағы үш рет жеңіске жетті: «Маккаби» (2:0), «Янг Бойз» (2:1) және «Базель» (2:1).
«Челси» - «Астон Вилла» – 1:2 (1:0)
Голдар: Жоао Педро, 37 (1:0), Уоткинс, 63 (1:1), Уоткинс, 84 (1:2)
