«Астана» «Ұлытауды» жеңді: Томасов орталық алаңнан гол соқты
Қазақстан Премьер-лигасының 20-турындағы «Ұлытау» – «Астана» матчы елордалық команданың жеңісімен аяқталды, деп хабарлайды Sports24.kz.
«Астана» алғашқы минуттардан-ақ басымдықты өз қолына алып, есепті Марин Томасовтың айып сызығы астына дәл бағыттаған соққысымен ашты. Елордалықтар ойын тізгінін толық ұстап, нәтижесінде 2:0 есебімен сенімді жеңіске жетті. Екінші допты да Томасов өз еншісіне жазды – бұл жолы ол допты орталық алаңнан қақпаға дәл түсірді.
Бұл жеңістен кейін «Астана» 35 ұпай жинап, турнир кестесінде қайтадан үшінші орынға көтерілді. Ал «Ұлытау» 27 ұпаймен турнирдің орта тұсында орналасқан.
Қазақстан Премьер-лигасының параллель өткен кездесуінде астаналық «Жеңіс» пен семейлік «Елімай» жеңімпазды анықтай алмады – ойын нөлдік тең нәтижемен аяқталды.
Тең ойыннан кейін «Елімай» 28 ұпайға жетсе, «Жеңістің» еншісінде 23 ұпай бар. Екі команда да турнир кестесінің орта бөлігінде.
