Қарағандыдағы «Шахтер» академиясының пайдалануға берілетін мерзімі белгілі болды
Қарағандыда салынып жатқан «Шахтер» академиясының оқу-жаттығу базасын пайдалануға беру мерзімі белгілі болды, деп хабарлайды Sports24.kz.
ASnews.kz хабарлағандай, заманауи футбол академиясы 2027 жылдың қазан айына дейін толық пайдалануға беріліп, балаларды қабылдауға дайын болады.
Салынып жатқан оқу-жаттығу базасында 3500 көрерменге арналған стадион, сондай-ақ жыл бойы жаттығуға мүмкіндік беретін жабық манеж бен жылытылатын алаң болады. Сонымен қатар ұлдар мен қыздарға арналған интернат, оқу сыныптары, жаттығу залдары, бассейн және медициналық блок орналасатын толыққанды әкімшілік-тұрмыстық кешен салынады.
Бұған дейін «Шахтер» клубының КПЛ-ға оралар алдында тарихи рекорд орнатқаны туралы жазған едік. Қазақстанның екі дүркін чемпионы бұған дейін жаңа маусымда Премьер-лигада өнер көрсету құқығын мерзімінен бұрын қамтамасыз еткен болатын.
