Алматыдағы хет-триктен кейін Мбаппе Чемпиондар лигасында аптаның үздік ойыншысы атануы мүмкін
Француз өз ойынымен «Алтын допқа» лайық екенін дәлелдеп жүр
Футбол
Дамир Кошечкин
Журналист
ФОТО: Getty Images
УЕФА-ның ресми сайты Чемпиондар лигасында аптаның үздік ойыншысы атағына үміткер футболшылардың тізімін жариялады.
Өткен аптада, дәлірек айтқанда 30 қыркүйек пен 1 қазан күндері, ЛЧ топтық кезеңінің екінші тур ойындары өтті.
Үздік атағына үміткерлер қатарында Килиан Мбаппе («Реал Мадрид»), Эрлинг Холанд («Манчестер Сити»), Расмус Хёйлунд («Наполи») және Йенс Петтер Хауге («Буде-Глимт») бар.
Үздікті жанкүйерлер УЕФА-ның ресми сайтында дауыс беру арқылы анықтайды.
Мбаппе Алматыда өткен Чемпиондар лигасының «Қайратқа» қарсы матчында хет-трик жасап, мадридтік ұжым сырт алаңда 5:0 есебімен айқын жеңіске жетті.
