Александр Мрынский «Қайраттың» екінші чемпиондығы туралы: Маусым қиын өтті, бірақ біз мықты екенімізді дәлелдедік

Алматылық клуб тарихындағы бесінші және қатарынан екінші рет Қазақстан чемпионатында жеңіске жетті

Футбол 27 қаз 2025 04:30

Арсен Алиев

Редактор

«Қайрат» қорғаушысы Александр Мрынский командасының қатарынан екінші жыл Қазақстан чемпионы атанғаннан кейінгі әсерімен бөлісті.

КПЛ-дың соңғы, 26-турында алматылықтар «Астанамен» 1:1 есебімен тең түсті. Бұл нәтиже «Қайратқа» маусымды 59 ұпаймен аяқтап, турнир кестесінің шыңына қайта оралуға мүмкіндік берді.

«Эмоциялар керемет! Екінші жыл қатарынан «Қайратпен» чемпион атану – бұл ерекше сезім. Біз бұл жетістікке лайық болдық. Апта оңай болған жоқ – екі ауыр матч: Чемпиондар лигасында «Пафоспен» және «Астанамен» кездесу. Концентрацияны сақтап, қажетті нәтижеге қол жеткізгенімізге қуаныштымын», — деп бөлісті Мрынский Legalbet.kz сайтына берген сұхбатында.

Айта кетейік, КПЛ тарихындағы рекордтық чемпиондық көрсеткіш «Астанаға» тиесілі – елордалық клубтың еншісінде жеті чемпиондық бар. Ал «Қайрат» енді бесінші трофейін жеңіп алып, бұл көрсеткіш бойынша «Ақтөбе» және «Ертіcпен» теңесті.

Сондай-ақ, «Қайрат» қорғаушысы Чемпиондар лигасының ойындарын Астанаға ауыстыру мүмкіндігі туралы да пікір білдірді.