«Қайрат» - 2025 жылдың Қазақстан чемпионы
26 қазан күні Алматыда маусымның ең маңызды ойыны өтті. «Орталық» стадионында өткен кездесуде «Қайрат» пен «Астана» тең ойнап (1:1), турнир кестесінде көшбасшылық орнын сақтап қалып, Қазақстанның 2025 жылғы чемпионы атанды.
Есепті 15-минутта елордалық клубтың капитаны Марин Томасов ашты. Алайда екінші таймда алматылықтар таразы басын теңестірді - Дастан Сәтпаев 56-минутта тамаша соққымен гол салып, командасына алтын медальді алып келді.
ҚПЛ, 26-тур
«Қайрат» — «Астана» — 1:1 (0:1)
Голдар: Томасов, 15 (0:1). Сәтпаев, 56 (1:1).
Осылайша, «Қайрат» қатарынан екінші жыл чемпион атанып, өз тарихында бесінші рет Қазақстан Премьер-лигасының алтын медалін жеңіп алды.
Алматылық команда маусымды 59 ұпаймен аяқтап, басты қарсыласы «Астанадан» екі ұпайға озып кетті.
