16 жасар Дастан Сәтпаев Қазақстан кубогындағы дебюттік голын соқты
Футбол
Аружан Темірбек
Редактор
ФОТО: Қайрат ФК
«Қайраттың» жас шабуылшысы Дастан Сәтпаев Қазақстан Кубогында алғашқы голын соғып, маусымдағы нәтижелілігін жалғастырып келеді. «Каспийге» қарсы 1/8 финалдық ойында 16 жастағы футболшы 53-минутта есепті 3:0-ге жеткізді.
Бұл - Дастанның Қазақстан Кубогындағы алғашқы голы және 2025 жылғы маусымдағы төртінші нәтижелі соққысы. Бұған дейін ол Премьер-лигада үш рет көзге түсіп, «Атырау» қақпасына дубль жасап, Қазақстан чемпионаты тарихындағы ең жас дубль авторы атанған болатын.
Ойын барысында алматылықтар толықтай басымдық көрсетіп, матчтың тағдырын ерте шешіп қойды десе де болады. «Қайрат» ширек финалға бір қадам жақындап тұр.
