Аңыз балуан Алмабаевтың RAF-тағы жеңілісін талдады
Сиднейдегі 2000 жылғы Олимпиада ойындарының күміс жүлдегері, қазақстандық еркін күрес шебері Ислам Байрамуков Real American Freestyle (RAF) балуандық лигасындағы Асу Алмабаевтың дебюттік жекпе-жегіндегі жеңілісіне пікір білдірді, деп хабарлайды Sports24.kz.
Қазақстандық ММА-ның басты жұлдыздарының бірі саналған Алмабаев америкалық Джонни Диджулиуске небәрі 88 секунд ішінде 0:10 есебімен ірі есепте жеңілді.
Айта кету керек, Диджулиус қазақстандық спортшымен кездескенге дейін өз штатының күресінен үш рет чемпион атанған.
«Бұл дайындық деңгейін көрсетеді. ММА-да Асу өз еліңде – патша, белгілі бір деңгейге жетті. Ал еркін күрес ережелерімен орташа балуанмен тең дәрежеде күресу үшін жылдар керек. Асуға бұл ұйымға барудың не қажеті болды, білмеймін, себебі бұл – басқа специфика. Қалай болғанда да, кінәлаудың, сынаудың қажеті жоқ. Сен рингке шықтың, ештеңеден қорықпадың – бұл құрметке лайық. Қазіргі таңда базалық еркін күресші не болмаса грек-рим стиліндегі спортшыларға қарсылас болу оған әлі қиындау», – деді Ислам Байрамуков.
Асу Алмабаевтан бөлек, Real American Freestyle турнирлерінде әлем чемпионы, қазақстандық еркін күрес жұлдызы Ризабек Айтмұхан да өнер көрсетеді. Сондай-ақ бұл промоушенде Хамзат Чимаев, Арман Царукян, Белал Мухаммад сынды MMA жұлдыздары да бақ сынайды.
