«Өзбекстандық мықтырақ болды»: сарапшы Зейнуллинов пен Муйдинхужаев жекпе-жегі туралы
YouTube-тағы «Бокс студиясы» арнасының маманы әрі авторы Виктор Ялымов Sports24.kz порталына эксклюзивті сұхбатында бокстан әлем чемпионатының ширек финалындағы қазақстандық Ертуған Зейнуллинов пен Париж-2024 Олимпиадасының чемпионы, 2023 жылғы әлем чемпионы, өзбекстандық Асадхужа Муйдинхужаев арасындағы жекпе-жектің төрешілер шешімін сараптады.
«Бірінші раундта, менің ойымша, өзбек боксшысының басымдығы байқалды. Екінші раундты мен қазақстандыққа берер едім, ал үшінші шешуші болды. Дәлдік жағынан, мүмкін, Өзбекстан спортшысы сәл жақсырақ көрінді, бірақ жалпы әсерде Қазақстан боксшысы жеңіске көбірек ұмтылды деген ой қалдырады. Сондықтан жекпе-жек даулы өтті. Төрешілердің қорытынды бағаларын көргім келеді – үлкен мүмкіншілікпен, бұл жерде бөлек шешім болу керек еді. Мұндай кездесулерде ұпай санын есептеу әрдайым оңай емес: видеодан қарағанда бір бөлек, ринг қасында болғанда мүлде басқа әсер. Жеңіске деген ынтаға қарасақ, мен Зейнуллиновқа басымдық берер едім, бірақ соққылардың дәлдігі бойынша өзбекстандық боксшы мықтырақ көрінді», – деді Виктор Ялымов.
Зейнуллиновтың жеңілісі Қазақстан ерлер құрамасы үшін осы әлем чемпионатындағы оныншы шығын болды. Жалпы, Қазақстан 10 спортшысынан айрылды. Қазақстан құрамасында әлем чемпионатының жартылай финалына дейін Бейбарыс Жексен, Гүлсая Ержан, Карина Ибрагимова, Нұрбек Оралбай, Сағындық Тоғамбай, Сабыржан Аққалықов, Элина Базарова (54 келіге дейін) және Надежда Рябец (75 келіге дейін) жете алмады.
Бұған дейін қазақстандық журналист пікір білдірген еді Қазақстан құрамасының қатысуымен өткен әлем чемпионатындағы жанжалға қатысты.