Головкин Торехан Сабырханның Азия ойындарындағы алтынына реакция білдірді
Қазақстандық аты аңызға айналған боксшы Геннадий Головкиннің егіз інісі Максим Головкин Торехан Сабырхан мен Айбек Оралбайды Айти және Нагояда (Жапония) өтіп жатқан Азия ойындарындағы алтын медальдарымен құттықтады, деп хабарлайды Sports24.kz.
Максим Головкин Торехан Сабырханды 60 келіге дейінгі салмақта Азия ойындарының алтын медалін жеңіп алуымен құттықтады. Қазақстандық боксшы финалда иорданиялық Зияд Ишаишті жеңіп, ел қоржынына бокстан алтын медаль салды.
«Қазақстанның Азия ойындарындағы 12 жылдағы алғашқы алтыны. Торехан Сабырханды құттықтаймын, бүкіл Қазақстанды құттықтаймын», — деп жазды Головкин.
Кейін ол Айбек Оралбайды да құттықтады. Қазақстандық боксшы 90 келіден жоғары салмақта Азия ойындарының чемпионы атанып, финалда Өзбекстан өкілі Жахонгир Зокировты 5:0 есебімен жеңді.
«Бокстан екінші алтын. Айбек Оралбайды құттықтаймын», — деп атап өтті Максим Головкин.
Максим Головкин - қазақстандық бокс жаттықтырушысы әрі Геннадий Головкиннің егіз інісі. Олар 15 минут айырмашылықпен дүниеге келген және Қарағандыда бокспен бірге айналыса бастаған. Максим әуесқой бокста өнер көрсеткен, кейін спорттық мансабын аяқтап, жаттықтырушылыққа келген. Ол Қазақстанның еңбек сіңірген жаттықтырушысы атағына ие және ұзақ уақыт бойы Геннадийдің командасында жұмыс істеп, оның жекпе-жектерге дайындығына көмектесті.
«Хейтерлердің бәрінің аузын жапты»: сарапшы Торехан Сабырханның Азия ойындарындағы триумфы туралы
