Оразбек Асылкулов Азия ойындарындағы-2026 өнер көрсетуін тоқтатты
Қазақстандық боксшы Оразбек Асылкулов Аичи мен Нагояда өтіп жатқан XX жазғы Азия ойындарында 1/8 финалда жарысты аяқтап, Оңтүстік Корея өкілі Чан Дон Хваннан жеңілді, деп хабарлайды Sports24.kz.
Жоғары рейтингіне байланысты Асылқұлов 60 келіге дейінгі салмақ дәрежесіндегі жарыстың алғашқы кезеңін өткізіп, бәсекені бірден 1/8 финалдан бастады.
Қазақстандық боксшының алғашқы қарсыласы Оңтүстік Корея өкілі Чан Дон Хван болды. Бірінші раундта Асылқұлов 2:3 есебімен аз ғана айырмашылықпен ұтылды. Екінші раундта барлық төреші оңтүстіккореялық боксшыға басымдық берді. Үшінші раундта да Чан мықтырақ болды. Нәтижесінде Оңтүстік Корея өкілі төрешілердің бөлінген шешімімен 4:1 есебімен жеңіске жетіп, ширек финалға жолдама алды.
Оразбек Асылкулов — 60 келіге дейінгі салмақ дәрежесінде өнер көрсететін қазақстандық боксшы. Ол 2025 жылғы әлем чемпионы және 2026 жылғы Азия чемпионы атанған.
Сәрсенбі күні ерлер құрамасының тағы бір өкілі Сабыржан Аққалықов та Азия ойындарын 1/8 финалда аяқтап, Оңтүстік Корея боксшысы Ким Мин Сынға есе жіберді.
Ал бүгін әлемнің үш дүркін чемпионы Назым Қызайбай Аичи мен Нагояда өтіп жатқан XX жазғы Азия ойындарындағы өнерін аяқтады. 1/8 финалда ол Қытай өкілі Хуан Чжаодан жеңілді.
