Қазақстан бес гол соғылған матчта Англиядан жеңілді
25-нен 26 қыркүйекке қараған түні Қазақстанның жастар құрамасы Еуро-2027 іріктеу кезеңі аясында Англияға қарсы матч өткізді, деп хабарлайды Sports24.kz.
Вулверхэмптондағы кездесу алаң иелері үшін күтпеген жерден басталды: Артем Литош Қазақстанды алға шығарды.
Алайда қуаныш ұзаққа созылмады: Қазақстан құрамасы ойыншыларының бірқатар қателігі Али Турғановтың автоголына әкелді. Ал тағы бірнеше минуттан кейін Ачимпонг Англияны алға шығарды.
Дегенмен Қазақстан қол қусырып қарап отырмады: Сэйф Попов үзіліске санаулы сәт қалғанда есепті теңестірді — 2:2. Ойын уақытының бір сағаты өткенде англиялықтар Аллейннің голы арқылы алғаш рет алға шықты.
Ал матчтағы жеңіс голын қосымша уақытта Ланкшир соқты — таблода 4:2 есебі тіркелді.
Осы нәтижеден кейін Англия құрамасы 22 ұпай жинап, D тобының көшбасшысы мәртебесін нығайтты. 4 ұпайы бар Қазақстан соңғы орында тұр және бұған дейін-ақ топтан шығу мүмкіндігінен айырылған болатын.
Жастар арасындағы Еуро-2027 іріктеуі
D тобы
Англия U-21 – Қазақстан U-21 – 4:2
Голдар: Турғанов, автогол, 26, Ачимпонг, 32, Аллейн, 60, Ланкшир 90+1 – Литош, 3, Попов, 43
