ВИДЕО: Соболенко US Open матчін марихуанаға байланысты тоқтатты
Арина Соболенко АҚШ ашық чемпионатындағы матч кезінде трибунада біреудің марихуана шеккеніне байланысты төрешіге жүгінуге мәжбүр болды, деп хабарлайды Sports24.kz.
Беларусь өкілі Камилла Рахимоваға қарсы матч барысында трибунада марихуана шегіп отырған жанкүйерге шағымданып, ойынды уақытша тоқтатуға мәжбүр болды.
«Біреу марихуана шегіп жатыр. Бұған қарсы емессіз бе? Өйткені иісі өте күшті», — деді Беларусь теннисшісі үшінші айналымдағы матч кезінде төрешіге.
АҚШ ашық чемпионатының үшінші айналымында Беларусь теннисшісі Өзбекстан өкілі Камилла Рахимовадан басым түсті. Соболенко екі сетте 6:3, 6:4 есебімен сенімді жеңіске жетіп, төртінші айналымға жолдама алды.
1/8 финалда Арина америкалық Тейлор Таунсендпен кездеседі. Соболенко мансабында АҚШ ашық чемпионатында екі рет жеңімпаз атанған.
Айта кетейік, Соболенко Рахимованы жеңгеннен кейін кортта жасаған ерекше рәсімін түсіндірді.
