Талдау: Рыбакинаның Чжэнге қарсы бірінші сетте жеңілуінің себебін бапкері тапты
Елена Рыбакина US Open турнирінің ширек финалында қытайлық Чжэн Циньвэньге қарсы алғашқы сетте жеңіліп қалды. Ал Қазақстанның бірінші ракеткасының бапкері Стефано Вуков корттың жанында-ақ «талдау жүргізіп», ойын барысын талқылады, деп хабарлайды Sports24.kz.
Әңгіме барысының егжей-тегжейін португалиялық журналист Жозе Моргадо байқады. Оның айтуынша, Вуков қабылдау кезінде кортта жеткілікті агрессия көрсетілмегеніне назар аударған:
«Рыбакина мен Вуков арасындағы қызу әңгіме. Ағылшын тілінде, тактикалық тұрғыдан қызықты тұстар көп. Вуков оның қабылдау кезінде жеткілікті агрессивті орналаспайтынын айтып жатыр», — деп жазды Моргадо әлеуметтік желідегі Х парақшасында.
Еске салайық, Рыбакина АҚШ ашық чемпионатының ширек финалындағы алғашқы сетте 3:6 есебімен жеңіліп қалды. Бұл жеңіліс оның US Open қорытындысы бойынша әлемнің бірінші ракеткасы атану мүмкіндігін іс жүзінде жояды, ал жеңіс оны әлемдік рейтингтің шыңына кепілді түрде шығарады.
