Рыбакинаны жеңген теннисшінің қарсыласы келесі кезеңге өтті
Алина Чараева WTA 1000 турнирінің үшінші айналымында Ұлыбритания өкілі Сонай Карталды жеңді. Бұған дейін Армения өкілі Бейжіңдегі турнирдің екінші айналымында әлемнің бірінші ракеткасы Елена Рыбакинаны сенсациялық түрде жарыстан шығарған еді, деп хабарлайды Sports24.kz.
Үшінші айналымда Чараева әлемдік рейтингте 129-орында тұрған Ұлыбритания өкілі Сонай Карталмен кездесті. Қазақстандық теннисші қарсыласын екі сетте — 6:4, 6:1 есебімен сенімді түрде жеңді. Матч 1 сағат 32 минутқа созылды.
Осы жеңістің арқасында Чараева турнирдің 1/8 финалына жолдама алды.
Еске салайық, екінші айналымда Чараева әлемнің бірінші ракеткасы мәртебесіндегі алғашқы кездесуін өткізген Елена Рыбакинаны сенсациялық түрде жеңген болатын.
Армениялық теннисші алғашқы сетте 3:6 есебімен жеңіліп қалғанымен, кейін матч барысын толық өзгерте алды. Чараева екінші партияда 6:4 есебімен басым түссе, шешуші сетте 6:3 есебімен жеңіске жетті. Кездесу 2 сағат 11 минутқа созылды.
Бұл жеңіс Чараева үшін тарихи нәтиже болды. 1975 жылы WTA рейтингі енгізілгеннен бері ол қазіргі әлемнің бірінші ракеткасын жеңген ең төмен рейтингтегі теннисші атанды. Кездесу алдында Армения өкілі әлемдік рейтингте 118-орында тұрған.
1/8 финалда Рыбакинаны жарыстан шығарған теннисші Қытай өкілі Чжэн Циньвэньмен кездеседі.
Әлемнің екінші ракеткасы Арина Соболенко да Бейжіңдегі WTA 1000 турниріндегі жолын күтпеген жерден аяқтады. Үшінші айналымда Беларусь теннисшісі әлемдік рейтингте 34-орында тұрған Чехия өкілі Никола Бартунковаға есе жіберді.
Рыбакина «коронавирустың отаны» саналатын елде ойнамайды. Қанша ұпай жоғалтады?
