Франция – Бельгия: Лига нациясының матчын онлайн көру
Франция құрамасы УЕФА Ұлттар лигасы А дивизионының төртінші турында Бельгияны қабылдайды, деп хабарлайды Sports24.kz.
Париждегі «Стад де Франс» стадионында өтетін кездесудің басталуы Астана уақытымен 23:45-ке жоспарланған. Матчты тікелей эфирде Qazsport телеарнасынан көруге болады.
Ұлттар лигасының бүгінгі матчына болжамды құрамдар:
Франция: Меньян; Кунде, Жаке, Лакруа, Труффер; Коне, Камавинга; Олисе, Бакрколя, Шерки; Леполь.
Бельгия: Ламменс; Кастань, Нгой, Махеле, Де Кёйпер; Раскин, Лавиа; Морейра, Годтс, Ванакен; де Кетеларе.
Франция құрамасы Ұлттар лигасының жаңа маусымындағы жолын Түркияны 1:0 есебімен жеңуден бастады. Кейін Бельгиядан 1:0 есебімен басым түсіп, Италиямен 1:1 есебімен тең түсті.
Бельгия құрамасы Франциядан жеңілгеннен бөлек, екі жеңіске жетті. Команда Италияны 2:0, ал Түркияны 3:0 есебімен ұтты.
Еске салайық, алғашқы матчтан кейін тізе аймағындағы жарақатына байланысты Франция құрамасының орналасқан жерінен шабуылшы Килиан Мбаппе кетіп қалды.
