Рыбакинаға US Open-дегі жеңісінен кейін ерекше трофей табысталды
Қазақстандық теннисшіге арнайы чемпиондық белбеу табысталды, деп хабарлайды Sports24.kz.
US Open ұйымдастырушылары Елена Рыбакинаға турнирдегі жеңісінен кейін естелік алтын белбеу табыстады. Мұндай трофей америкалық мейджор чемпиондарына арналған дәстүрлердің бірі саналады.
Белбеу MMA және рестлинг әлеміндегі марапаттар үлгісінде жасалған. Онда US Open-нің ресми символикасы бейнеленген, ал бүйірлік пластиналарға қазақстандық теннисшінің есімі ойылып жазылған.
Рыбакина трофеймен фотокамералар алдында күлімсіреп суретке түсіп, чемпиондық белбеуді иығына тағып көрді.
Марапаттау рәсімінен түсірілген кадрлар әлеуметтік желілерде жариялана салысымен, жанкүйерлер арасында қызу талқылау туындады.
«Ол чемпиондарға тән шынайы класты көрсетеді: сұлулық, кішіпейілділік және сымбат», - деп жазады жанкүйерлердің бірі.
Еске сала кетейік, US Open-2026 финалында Рыбакина Арина Соболенконы үш сетте жеңді. Бұл жеңіс қазақстандық теннисшіге Үлкен дулыға турнирлеріндегі үшінші титулын әкеліп, мансабында алғаш рет WTA рейтингінде көш бастауына мүмкіндік берді.
