Рыбакина Торонто турнирінің финалында Швентекке жол берді
Қазақстандық теннисші Елена Рыбакина, WTA рейтингінде екінші орынды иеленетін спортшы, Торонто (Канада) қаласында өткен Canadian Open-2026 турнирінің финалисі атанды, деп хабарлайды Sports24.kz.
Шешуші матчта Рыбакина әлемдік рейтингте сегізінші орында тұрған Польшаның өкілі Ига Швентекпен кездесті.
Кездесу бар болғаны екі сетке созылып, Рыбакина 2:6, 3:6 есебімен жеңіліп қалды. Қарсыластар кортта 1 сағат 16 минут өткізді. Осы уақытта Елена бір эйс жасап, төрт қос қателік жіберді.
Осылайша, Швентек Canadian Open-2026 чемпиондық атағын иеленді, ал Рыбакина биылғы маусымдағы үшінші трофейін ала алмады. Бұған дейін қазақстандық спортшы Австралия ашық чемпионаты мен Штутгарт турнирінде топ жарған болатын.
Торонто финалына дейін Елена Рыбакина Дарья Касаткинаны, Энн Лиді, Людмила Самсонованы, Наоми Осакуды және Кори Гауффты бірінен соң бірін жеңіп шықты. Бұл — Рыбакинаның мансабындағы Торонтодағы алғашқы «мыңдық» финалы. Бұған дейінгі ең үздік нәтижесі — ширек финалға шығу еді.
