Рыбакина Токиодағы турнирде кортқа шығудан бас тартты
Қазақстандық теннисші Елена Рыбакина жарақатына байланысты Токиодағы WTA 500 турниріндегі өнерін жалғастырудан бас тартты, деп хабарлайды Sports24.kz.
Бейсенбі, 29 қазанда Рыбакина Japan Open турнирінің екінші айналымында отандасы Юлия Путинцеваны жеңіп, 2026 жылғы маусым қорытындысы бойынша WTA әлемдік рейтингінде бірінші орын алатынын қамтамасыз етті.
Бүгін қазақстандық теннисші ширек финалда канадалық Лейла Фернандеспен кездесуі керек еді, алайда жарыстан шығып қалды. Нәтижесінде канадалық теннисші матч өткізбей-ақ жартылай финалға жолдама алды.
«Тезірек сауығып кет, Елена! Рыбакина жарақатына байланысты жарыстан шыққаннан кейін Фернандес Токиодағы турнирдің жартылай финалына өтті», - деп жазды WTA баспасөз қызметі.
Жанкүйерлер қауымдастықтың жазбасының астында қазақстандық теннисшінің шешіміне баға беріп үлгерді.
«Ол бірінші орынға шығатыны белгілі болғаннан кейін жарыстан бас тартатынын бәріміз білдік. Ол бұл турнирдегі жеңістен гөрі WTA финалында өз титулын қорғауға көбірек көңіл бөліп отыр. Дұрыс шешім, Лена»;
«Ха-ха, меніңше, мұны бәріміз күттік. Жыл соңындағы финалда Еленаға сәттілік тілеймін», - деп жазды жанкүйерлер.
Турнирге одан әрі қатысудан бас тартқанына қарамастан, Рыбакина 2026 жылдың қорытындысы бойынша әлемнің бірінші ракеткасы мәртебесін сақтап қалады.
