«Құдайға сенуге тура келеді»: Снайдер Астанадағы 2026 жылғы әлем чемпионатының финалындағы қарсыласын бағалады
Америкалық балуан Кайл Снайдер Астанада өтетін 2026 жылғы әлем чемпионатының финалында кездесетін жапондық Араш Йошида туралы пікір білдірді, деп хабарлайды Sports24.kz журналист Вячеслав Абдусаламовқа сілтеме жасап.
2016 жылғы Олимпиада чемпионы жапон балуанды мықты қарсылас деп атап, оның өткен жылмен салыстырғанда айтарлықтай ілгерілегенін айтты.
«Есеп 1:1. Ол жас, мықты әрі бабында. Меніңше, ол өткен жылмен салыстырғанда жақсара түскен. Сондықтан маған бар күшімді салуға, Құдайға сенуге тура келеді. Мен дәл осымен айналысамын», - деді Снайдер.
Америкалық балуан Йошиданың Бахрейн өкілі, Олимпиада чемпионы Ахмед Тажудиновпен жартылай финалдағы белдесуіндегі мүмкіндігін де бағалады. Оның пікірінше, Тажудинов техника жағынан басым болған, ал жапон балуаны физикалық дайындығы мен күрес шеберлігі тұрғысынан мықтырақ еді.
Еске салайық, 97 келіге дейінгі салмақ дәрежесінің жартылай финалында Снайдер поляк балуаны Збигнев Барановскиді 5:0 есебімен жеңді. Ал Йошида қазіргі Олимпиада чемпионы Ахмед Тажудиновты сенсациялық түрде ұтып, финалға жолдама алды.
Снайдер - Рио-2016 Олимпиадасының чемпионы, Токио-2020 Олимпиадасының күміс жүлдегері және әлемнің төрт дүркін чемпионы (2015, 2017, 2022, 2025). Сондай-ақ оның әлем чемпионаттарында екі күміс және екі қола медалі бар.
