Рыбакина үшін маңызды: US Open ережелеріндегі үлкен айыппұлға әкелуі мүмкін көпшілік біле бермейтін тармақ
US Open турнирі кезінде теннисшілер үлкен айыппұлға ұрынбас үшін матчтан кейін баспасөзбен байланыс бойынша міндеттемелерін орындауы тиіс, деп хабарлайды Sports24.kz.
Үлкен дулыға турнирлері ережелерінің 49-бетінде әрбір ойыншы әр матч аяқталғаннан кейін тиісті әрі ақылға қонымды уақытта қарастырылған медиа іс-шараларға қатысуға міндетті екені көрсетілген.
Мұндай іс-шараларға, соның ішінде, турнирдің ресми таратушысы мен ойыншының ұлттық таратушысына арналған сұхбаттар жатады. Жекелей разрядтағы екі жеңімпаз да ұйымдастырушылардың сұрауы бойынша тиісті медиа іс-шараларға қатысуға міндеттенеді.
Егер бұл талаптың орындалмауы теннисшінің ауруына немесе жарақатына байланысты матчқа қатыспауынан туындамаса, онда 50 мың доллар көлемінде айыппұл салынады. Биылғы US Open турнирінде, онда Қазақстанның бірінші ракеткасы Елена Рыбакина әлемнің бірінші ракеткасы атағы үшін күресіп жатыр, материал жарияланған сәтке дейін мұндай жағдай тіркелген жоқ.
Еске салайық, US Open турнирінің жекелей сындағы жеңімпазы ерлер және әйелдер разрядтарында да 5,5 млн доллар көлеміндегі жүлде қорын алады.
