Рыбакина ерекше жетістікке қол жеткізді
Елена Рыбакина US Open-2026 турнирінің финалына америкалық Коко Гауффты 3:6, 6:4, 6:4 есебімен жеңіп шықты. Қазақстандық теннисші үшін бұл «Үлкен дулыға» турнирлеріндегі мансабындағы төртінші және осы маусымдағы екінші финал болды, деп хабарлайды Sports24.kz.
2026 жылдың басында Рыбакина Australian Open турнирінің шешуші матчына дейін жетіп, онда Арина Соболенкодан басым түсіп, «Үлкен дулыға» турнирлеріндегі екінші титулын жеңіп алды. Бұған дейін қазақстандық теннисші Australian Open-2023 финалында ойнап, 2022 жылы Уимблдон чемпионы атанған.
Осы маусымда Елена топ-10 теннисшілеріне қарсы матчтардағы статистикасын да жақсартты. Гауффты жеңгеннен кейін оның бұл санаттағы көрсеткіші тоғыз жеңіс және бес жеңіліс болды.
Сонымен қатар Рыбакина соңғы 20 жылда бір маусымда «Үлкен дулығаның» хардтағы екі турнирінің де финалына шыққан бесінші теннисші атанды. Оған дейін мұндай жетістікке 2006 жылы Жюстин Энен, 2012 және 2013 жылдары Виктория Азаренко, 2016 жылы Анжелика Кербер және 2023 және 2026 жылдары Арина Соболенко қол жеткізген.
US Open-2026 финалында Рыбакина тағы да Соболенкомен кездеседі. Қазақстандық теннисші үшін бұл мансабындағы «Үлкен дулыға» турнирлеріндегі үшінші титулын және осы маусымдағы екінші чемпиондығын жеңіп алуға мүмкіндік береді.
