Гауфф Рыбакина кортадағы эмоцияларын түсіну қиын екенін мойындады
Әлемнің төртінші ракеткасы Кори Гауфф US Open турнирінің жартылай финалында қазақстандық теннисші Елена Рыбакинадан жеңілгеннен кейін оның кортадағы эмоцияларын түсіну қиын екенін мойындады, деп хабарлайды Sports24.kz.
Америкалық теннисшінің пікірінше, жаңадан әлемнің бірінші ракеткасы атанған Рыбакина ойын барысында эмоциясын ешқашан көрсетпейді және оның күші де осында.
«Рыбакина, бәлкім… мен оны бейқам деп айтқым келмейді, өйткені олай емес, бірақ ол ешқашан реакциясын білдірмейді. Сырт көзге солай көрінуі мүмкін екеніне сенімдімін, бірақ бәріміз қобалжимыз және тағы сол сияқты сезімдерді бастан өткереміз. Оның осының өзіне әсер етуіне қаншалықты жол беретіні бізге белгісіз, меніңше, оның күші де дәл осында.
Оның шын мәнінде не сезініп тұрғанын ешқашан аңғара алмайсың. Әрине, ол да адам, оның да жүйкесі бар және бәрімізде болатын сезімдерді бастан өткереді. Бірақ, өзім айтқандай, ол мұндай жағдайлардан талай рет өтті, сондықтан оның тәжірибесі бар», — деп Гауффтың баспасөз конференциясында айтқан сөздерін championat.com келтіреді.
Рыбакина мен әлемнің төртінші ракеткасы арасындағы матч қазақстандық теннисшінің пайдасына аяқталды. Елена алғашқы сетте жеңіліп қалғанымен, кейін қатарынан екі партияда жеңіске жетіп, 3:6, 6:4, 6:4 есебімен басым түсті.
US Open-2026 финалында Рыбакина Арина Соболенкоға қарсы ойнайды.
