Данилина үшін маусым аяқталды ма? Крунич ауыр жарақат алды
Ашық чемпионаттың жұптық разрядындағы екінші айналымдағы Анна Данилина мен Александра Крунич арасындағы матч сербиялық теннисшінің жарақатына байланысты ойынды жалғастыра алмауымен аяқталды. Жарақаттың өте ауыр екені белгілі болды, деп хабарлайды Sports24.kz.
Балқандық Sportklub басылымының мәліметінше, Круничке алдыңғы айқас байламының жыртылуы және менискінің зақымдануы диагнозы қойылған. Мұндай жарақаттардан кейін қалпына келу ұзақ уақытты қажет етеді, ал Круничтің жағдайында бұл мерзім сегіз-тоғыз айға бағаланып отыр.
Еске салайық, жуырда бұл жұп WTA қорытынды турниріне қатысуға кепілдік алған болатын. Крунич жұптық рейтингте төртінші орында, ал Данилина бесінші орында тұр. Алайда теннисшілер әлі де позицияларынан айырылуы мүмкін, өйткені олар — АҚШ ашық чемпионатындағы жарысын аяқтаған ең жоғары рейтингті теннисшілер.
