Стас Покатилов Чемпиондар лигасында қайта ойнай ма? Онлайн көру. LIVE-трансляция
Бүгін, 13 қазанда, 2026/27 жылғы Чемпиондар лигасы негізгі кезеңінің екінші туры басталады. Алаңға алғашқылардың бірі болып әзербайжандық «Сабах» сапында өнер көрсететін қазақстандық қақпашы Стас Покатилов шығады, деп хабарлайды Sports24.kz.
Тур аясында Баку командасы сырт алаңда праголық «Славиямен» кездеседі. Матч Қазақстан уақытымен 21:45-те басталады. Тікелей трансляцияны Qazsport телеарнасы көрсетеді, сондай-ақ кездесуді ресми сайттан көруге болады.
Екінші тур матчтарының кестесі (уақыт — Қазақстан уақытымен):
13 қазан:
- «Ланс» — «Спортинг» — 21:45;
- «Сабах» — «Славия» — 21:45.
14 қазан:
- «Арсенал» — «Лилль» — 00:00;
- «Атлетико» — «Манчестер Юнайтед» — 00:00;
- «Интер» — «Брюгге» — 00:00;
- «Галатасарай» — «Барселона» — 00:00 (Qazsport телеарнасы көрсетеді);
- «РБ Лейпциг» — ПСВ — 00:00;
- «Викинг» — «Бавария» — 00:00;
- «Вильярреал» — «Наполи» — 00:00.
Еске салайық, Покатилов Чемпиондар лигасындағы дебютін «Олд Траффордта» «Манчестер Юнайтедке» қарсы матчта жасады. «Сабах» 0:4 есебімен жеңіліп қалды. Голдарды Матеус Кунья, Бруну Фернандеш, Беньямин Шешко және Лисандро Мартинес соқты.
