Алькарас пен Хачанов Венадағы турнирде керемет шоу ұйымдастырды — видео
Карлос Алькарас пен Карен Хачанов Австрияның Вена қаласында өтіп жатқан ATP 500 турнирінің бірінші айналымындағы матчта нағыз теннис шоуын ұйымдастырды, деп хабарлайды Sports24.kz.
27 қазанда өткен кездесу тек тартысты күресімен ғана емес, керемет ұтыстарымен де есте қалды. Теннисшілер бірнеше рет шеберліктің ең жоғары деңгейін көрсетіп, әсерлі соққыларынан кейін көрермендерді қошемет көрсетуге мәжбүр етті.
Алькарас қатысқан эпизодтардың бірі ерекше жарқын болды. Испаниялық теннисші жүгіріп келе жатып, қарсыласының жауап қайтаруына мүмкіндік қалдырмай, керемет қаптал соққысын орындады. Бұл сәт трибуналардың қызу қолдауына ұласты.
Матч Алькарастің екі сетте — 6:4, 7:6 (7:5) есебімен жеңісімен аяқталды.
Соған қарамастан, Хачанов турнирдің басты фавориттерінің біріне лайықты қарсылық көрсетті. Екінші партияда ресейлік теннисші үш матчболды қайтарып, 6:5 есебімен алға шықты, алайда сетке доп бере алмады. Тай-брейкте испаниялық теннисші басым түсті.
Матчтан кейін Алькарас екі спортшының да ойын деңгейі жоғары болғанын атап өтіп, трибуналардағы атмосферадан зор ләззат алғанын айтты.
Бұл жеңіс испаниялық теннисші үшін Хачановпен өткен жеті кездесудегі жетінші жеңіс болды. Сонымен қатар, Алькарас ATP 500 санатындағы турнирлердегі жеңісті сериясын 22 матчқа дейін ұзартты.
