«Барыс» Минскінің «Динамосын» сырт алаңда жеңді
Сәрсенбі, 28 қазанда, астаналық «Барыс» Минскінің «Динамосына» Континенталдық хоккей лигасының (ҚХЛ) тұрақты чемпионаты аясындағы матчта қонаққа барды, деп хабарлайды Sports24.kz.
Беларусь астанасында өткен кездесу оқиғаларға аса бай болған жоқ. Командалар алғашқы екі кезеңде шайба соға алмады. Матчтағы жалғыз әрі жеңісті голды астаналық команданың шабуылшысы Семен Симонов шешуші 20 минуттық кезеңде соқты.
Бұл нәтиже Михаил Кравец командасына 23 ұпай жинап, ҚХЛ тұрақты чемпионатының Шығыс конференциясындағы үшінші орынға қайта оралуға мүмкіндік берді.
Еске салайық, бұған дейінгі матчта қазақстандық команда Екатеринбургтің «Автомобилистінен» 1:4 есебімен жеңілген болатын.
30 қазанда астаналық команда сырт алаңда Қытайдың «Шанхай айдаһарларына» қарсы ойнайды.
«Динамо» (Минск) – «Барыс» (Астана) 0:1 (0:0, 0:0, 0:1)
0:1 - Симонов (Масси, Морелли) - 40:28
Қақпашылар: Фукале - Шутов
