«Бернлиде» Дастан Сатпаевтың жаңа жаттықтырушысы кім болуы мүмкін екені белгілі болды
Қазақстандық шабуылшы Дастан Сатпаев жалға алу негізінде өнер көрсетіп жүрген ағылшындық «Бернли» жаңа бас бапкерді тағайындауға жақын. Бұл қызметке негізгі үміткер — 50 жастағы швейцариялық Фабио Челестини, деп хабарлайды Sports24.kz Burnley Express басылымына сілтеме жасап.
Дереккөздің мәліметінше, тараптар келіссөздердің соңғы кезеңіне жақындады. Челестини жаттықтырушылар штабымен бірге Англияға келіп үлгерген, алайда келісімнің түпкілікті шарттары әлі келісілген жоқ.
Бұған дейін маман мәскеулік ЦСКА-ны жаттықтырып, командамен бірге Ресей Суперкубогын жеңіп алған. Ресейлік клубтағы жұмысына дейін швейцариялық маман «Базельмен» үлкен жетістікке жетіп, 2024/25 маусымында алтын дубль рәсімдеді — Швейцария чемпионатында және Кубогында жеңіске жетті.
Челестинидің тағайындалуы Дастан Сатпаев үшін маңызды оқиға болуы мүмкін. Құқықтары лондондық «Челсиге» тиесілі қазақстандық форвард «Бернли» сапындағы өнерін жалғастырып жатыр және жаңа бапкер келген жағдайда оның негізгі құрамынан орын алу үшін күреседі.
Әлеуетті жаңа бапкердің алдында оңай міндет тұрған жоқ. Чемпионшиптегі 12 турдан кейін «Бернли» турнир кестесінде 22-орында келеді, команда қоржынында сегіз ұпай бар.
Клуб маманды тағайындау мәселесін 31 қазанда өтетін «Портсмутқа» қарсы алдағы матчқа дейін шешуі мүмкін деп күтілуде.
