Топ-10-дамыз: 2026 жылғы Азия ойындарының медальдар кестесі
Жапонияның Айти және Нагоя қалаларында өтіп жатқан XX жазғы Азия ойындарындағы 11-ші жарыс күні аяқталды, деп хабарлайды Sports24.kz.
30 қыркүйекте қазақстандық спортшылар сегіз жүлде жеңіп алды: екі күміс және алты қола медаль. Бүгін ел қоржынына ең жоғары деңгейдегі жүлделерді қосу мүмкін болмады.
- Сондай-ақ оқыңыз: Елдос Сметов Азия ойындарындағы күмістен кейінгі басты мақсатын атады
Жапониядағы Азия ойындарының 11 күнінің қорытындысы бойынша Қазақстан құрамасының еншісінде 56 жүлде бар — тоғыз алтын, 16 күміс және 31 қола медаль. Бұл нәтиже спортшыларымызға Ойындардың жалпы медальдар есебінде тоғызыншы орын алуға мүмкіндік беріп отыр.
Жалпы медальдар есебінде әлі де айқын басымдықпен Қытай көш бастап тұр: 277 медаль (151 алтын). Екінші орында — Жапония (199 медаль), үшінші орында — Оңтүстік Корея (103 медаль). Өзбекстан төртінші орында келеді (16 алтын, 19 күміс және 19 қола жүлде).
Айта кетейік, бүгін Қазақстан Азия ойындарында күрестен алғашқы медалін жеңіп алды. Грек-рим күресінің қазақстандық балуаны Мейіржан Шермаханбет Айти және Нагояда қола медаль иеленді.
