Шайдоровтың ISU Гран-приіндегі өнері күтпеген нәтижемен аяқталды
Қазақстандық мәнерлеп сырғанаушы Михаил Шайдоровтың осы маусымда ISU Гран-при сериясының финалында өнер көрсету мүмкіндігі іс жүзінде қалмады, деп хабарлайды Sports24.kz.
Серияның үш кезеңінен кейін шешуші турнирге қатысуға үміткерлер анықталды. Іріктеу кезеңінің қорытындысы бойынша финалға ең мықты алты мәнерлеп сырғанаушы жолдама алады, тағы үш спортшы резерв тізіміне енеді.
Шайдоровтың еншісінде жеті ұпай бар, ол жалпы есепте 12-орында келеді. Осылайша, қазақстандық спортшы негізгі іріктеуден де, резерв тізімінен де тыс қалды.
Михаилдің мүмкіндігі қатысушылардың біреуі жарыстан бас тартқан жағдайда ғана сақталуы мүмкін. Дегенмен оның рейтингтегі орны финалға жолдама үшін күресті айтарлықтай қиындатып отыр.
Қазақстандық мәнерлеп сырғанаушы үшін Қытай мен Франциядағы Гран-при кезеңдеріндегі өнері сәтсіз болды. Ол жерде жинаған ұпайлары серияның шешуші кезеңіне шығуға үміткерлер қатарында қалуға жетпеді.
Еске салайық, Михаил Шайдоров — Милан мен Кортина-д’Ампеццода өткен 2026 жылғы Олимпиада ойындарының чемпионы. Қазақстандық спортшы ерлер арасындағы жекелей сында алтын медаль жеңіп алды.
