Әбиба Абужақынова Душанбе қаласында өткен Grand Slam турнирінде қола медаль жеңіп алды
Қазақстандық дзюдошы Әбиба Абужақынова Тәжікстан астанасы Душанбеде 2-4 мамыр аралығында өтіп жатқан Grand Slam сериясындағы беделді турнирдің қола жүлдегері атанды.
Үшінші орын үшін белдесуде Қазақстан әйелдер құрамасының көшбасшысы Өзбекстан өкілі Улбусин Хакимованы сенімді түрде жеңді. Бұл жүлде Абибаның Grand Slam турнирлеріндегі тоғызыншы медалі болды - оның еншісінде қазір 1 күміс және 8 қола бар.
Бұған дейін Абиба жарыстың 1/4 финалына автоматты түрде шықты. Төрттік финалда ол жапондық Вакана Инагакиді айқын басымдықпен ұтып, жартылай финалда Қытай спортшысы Вене Жуангқа жол беріп, жұбаныш белдесуіне түсті.
Бұл Абибаның биылғы маусымдағы екінші халықаралық турнирі. Наурыз айында ол Загребтегі Grand Prix жарысында чемпион атанып, енді Азияның ең тұрақты дзюдошыларының бірі екенін тағы бір мәрте дәлелдеді.