Күтпеген жеңіліс: Әбиба Абужақынова Душанбе өткен Grand Slam кезеңінде алтыннан қағылды
Басқа спорт түрлері
Аружан Темірбек
Редактор
ФОТО: olympic.kz
Қазақстан дзюдосының басты үміті саналатын Әбиба Абужақынова Душанбе қаласында өтіп жатқан «Үлкен дулыға» турнирінің негізгі торынан шығып қалды. Жартылай финалдық белдесуде ол күтпеген жерден Қытай елінің 24 жастағы өкілі Вене Жуангқа жол берді.
Бұл жеңіліс, әсіресе, ширек финалдағы әсерлі жеңістен кейін тосын жағдай болды: Әбиба сол белдесуде турнир фавориттерінің бірі жапониялық Вакана Инагакиді соңғы секундтарда ұтып, жанкүйерлерді қуантып еді.
Енді ұлттық құраманың көшбасшысы жұбаныш белдесуінде қола медаль үшін күресті жалғастырады. Ал Душанбе татамисіндегі алтын жүлде үмітін басқа кезеңдерге шегеруге тура келеді.