Қазақстандық жас дзюдошылар Еуропа кубогының медальдық есебінде жеңімпаз атанды
Басқа спорт түрлері
Асылхан Тоқсанбек
Редактор
ФОТО: Instagram
8–9 наурыз 2025 жылы Түркияның Анталия қаласында өткен жасөспірімдер арасындағы Еуропа кубогы өз мәресіне жетті. Жарысқа 24 елден 448 спортшы қатысты.
Қазақстандық дзюдошылар екі күн бойы жоғары нәтиже көрсетіп, сәтті өнер көрсетті. Алғашқы күні 17 медаль жеңіп алса, екінші күні қоржынға тағы 5 жүлде қосты. Нәтижесінде Қазақстан құрамасы 7 алтын, 3 күміс және 12 қола медаль иеленіп, жалпыкомандалық есепте бірінші орынға шықты.
Екінші орынды 4 алтын, 3 күміс және 3 қола медаль еншілеген Түркия құрамасы иеленсе, Бельгия құрамасы 2 алтынмен үздік үштікті түйіндеді.
