21 қыркүйекте Азия ойындары-2026-да қазақстандық спортшылардың жарыс кестесі
Дүйсенбі, 21 қыркүйекте Жапонияда өтіп жатқан 2026 жылғы жазғы Азия ойындарында жарыстың екінші күні өтеді, деп хабарлайды Sports24.kz.
Назарларыңызға 21 қыркүйекте Айти-Нагояда Қазақстан құрамасы өкілдерінің қатысуымен өтетін жарыстар кестесін ұсынамыз. Уақыт Астана уақытымен көрсетілген.
05:00 – көгалдағы хоккей
Әйелдер. Оңтүстік Корея – Қазақстан.
05:30 – триатлон
Аралас эстафета: Диана Ержанова, Арлан Жанабай, Аида Ким, Егор Крупяков.
05:45 – оқ ату
10 метрге пневматикалық винтовкадан ату – командалық финал және жеке іріктеу.
06:00 – стенд атудан жарыс
Скит, ерлер және әйелдер – жеке іріктеу және командалық финалдың бірінші күні. Қазақстан намысын Александр Мухамедиев, Артём Седельников, Давид Почивалов, Зоя Пискун, Асем Орынбай және Адель Садакбаева қорғайды.
06:00 – жүзу
Алдын ала жүзу кезеңдері.
06:00 – үстел теннисі
Қазақстан – Мальдив аралдары, әйелдер.
07:20 – ММА
Жартылай финалдар және финалдар. Санжар Адилов, Кадырбек Шинбаев және Еркингали Буркуталин.
08:30 – оқ ату
Жеке финал. Ислам Сатпаев, Никита Шахторин, Константин Малиновский.
08:30 – каратэ
Алдын ала кезеңдер. Асель Канай және Олжас Алтынбек.
09:00 – волейбол
Қытайлық Тайбэй – Қазақстан, әйелдер, 5–8-орындар үшін плей-офф.
09:15 – 3×3 баскетбол
Қазақстан – Шри-Ланка, ерлер.
09:40 – каратэ
1/4 финал.
10:30 – 3×3 баскетбол
Моңғолия – Қазақстан, ерлер.
10:30 – спорттық гимнастика
Жеке көпсайыстың финалы және жекелеген жаттығулар бойынша іріктеу. Ильяс Азизов, Дмитрий Патанин, Милад Карими, Нуртан Идрисов, Нариман Курбанов – қосалқы құрамда.
10:40 – каратэ
1/2 финал.
11:00 – бадминтон
Қазақстан – Жапония, ерлер, плей-оффтың бірінші кезеңі.
11:40 – каратэ
Финалдар.
13:00 – жүзу
Қазақстандық спортшылардың қатысуымен өтетін финалдық жүзу кезеңдері.
13:40 – су добы
Қазақстан – Жапония, әйелдер.
14:00 – ушу
1/8 финал. Алина Шоссова, Карим Иминжанов және Бексултан Коскенов.
15:00 – үстел теннисі
Қазақстан – Лаос, ерлер.
Айта кетейік, Азия ойындарындағы алғашқы жарыс күнін Қазақстан құрамасы төрт алтын және екі қола медальмен аяқтады. Бұл нәтиже командаға медальдар кестесінде төртінші орынға жайғасуға мүмкіндік берді.
