ҚФФ КПЛ-2027-дегі легионерлер лимитін айқындады
2025 жылы ҚФФ Премьер-лигадағы легионерлер лимитін кезең-кезеңімен қатаңдату туралы шешім қабылдаған еді. Соған сәйкес, 2027 жылғы маусымда клуб өтініміндегі шетелдік ойыншылар саны сегізге дейін қысқаруы тиіс болатын. Алайда клубтар алдағы маусымға қандай лимитпен кіретіні белгілі болды, деп хабарлайды Sports24.kz.
Серый CARDINAL Telegram-арнасының ақпаратына сүйенсек, жоспарланған өзгеріс жүзеге аспайды: ҚФФ атқарушы комитеті маусым аяқталғаннан кейін легионерлер лимитін клуб өтініміндегі он шетелдік футболшы деңгейінде қалдырады. Қазіргі маусымда да дәл осы талап қолданылады.
Сонымен қатар дереккөз Бірінші лигадағы легионерлер лимиті қандай болатыны туралы әзірге ешқандай шешім қабылданбағанын нақтылап, «шамасы, бұл мәселе тіпті кулуарларда да (шешім қабылдайтын адамдар арасында) талқыланбаған» деп мәлімдеді.
Еске салайық, бұған дейін қыркүйек айында Қазақстан чемпионатының жоғары дивизионындағы легионерлер лимитінің болашағына қатысты түпкілікті шешім ҚФФ-дағы консультациялар қорытындысы бойынша қабылданатыны хабарланған еді.
Қазақстаннан бөлек, КПЛ-да ең көп ұсынылған елдер — Бразилия (17 футболшы), Сербия мен Беларусь (12 ойыншыдан), Украина (12 футболшы) және Хорватия (11 футболшы).
Қазіргі маусымда легионерлерді ең көп пайдаланған клубтар — «Ертіс» (19 футболшы), «Атырау», «Елімай» және «Каспий» (13 ойыншыдан).
