locale KZ
KZ - Қазақ RU - русский

UFC Fight Night 294 турнирінде қазақстандықтардың жекпе-жектерін қайдан және қашан көруге болады

Қазақстандық спортшылардан октагонға алғаш болып Дияр Нұрғожай шығады
ММА
ФОТО: Getty Images

Сенбі, 21 қарашада, Дохада (Катар) UFC Fight Night 294 турнирі өтеді. Онда қазақстандық екі файтер — Асу Алмабаев пен Дияр Нұрғожай өнер көрсетеді, деп хабарлайды Sports24.kz.

Қазақстандық спортшылардан октагонға алғаш болып Дияр Нұрғожай шығады. Оның қарсыласы — америкалық Алик Лоренц (8-2). Жартылай ауыр салмақтағы жекпе-жек үш раундқа жоспарланған және Қазақстан уақытымен шамамен 20:20-да басталады.

Кейін турнирде Асу Алмабаев өнер көрсетеді. Қазақстандық файтер аса жеңіл салмақтағы үш раундтық жекпе-жекте жапониялық Кёдзи Хоригутиге (36-6) қарсы шығады. Олардың айқасы шамамен 23:20-да басталады деп жоспарланған.

Нұрғожай мен Алмабаевтың жекпе-жектерін тікелей эфирде UFC-дің ресми сайтынан көруге болады.

Еске салайық, Дияр Нұрғожай октагонға соңғы рет тамыз айында шықты. Сол кезде ол бразилиялық Бруно Лопесті (14-4) бірінші раундта нокаутқа түсірді.

Асу Алмабаев бұған дейінгі жекпе-жегін маусымда өткізіп, америкалық Чарльз Джонсонды (20-9) жеңді. Ол айқасты үшінші раундта сабмишнмен аяқтады.

Арсен Алиев
Редактор ru, kk
Sports24.kz 163 мың жазылушы
Басты жаңалықтардан хабардар болыңыз! Жаңалықтар, нәтижелер және спорттағы ең жарқын сәттер. Жазылып, маңызды оқиғалардан хабардар болыңыз!
Пікірлер
Пікір қалдыру үшін тіркелуіңіз керек
Для сіздің ыңғайлылығыңыз бен қауіпсіздігіңіз үшін біз файлдар cookie