Хамитов АСА-дағы нокауттан кейін мәлімдеме жасады
Қуат Хамитов Душанбеде (Тәжікстан) өткен АСА 209 турнирінде Алексей Махноны нокаутқа түсіргеннен кейін келесі қарсыласын таңдау туралы пікір білдірді, деп хабарлайды Sports24.kz.
Қазақстандық жауынгер Махноның соңғы үш қарсыласының кез келгенін нокаутқа түсіруге дайын екенін мәлімдеді.
«Біз әлдеқашан келістік: мен Мәскеуге барамын, ештеңе көрмеу үшін көзімді байлаймын, Sherdog-ты ашамыз, Алексей Махноның соңғы үш қарсыласын шығарамыз да, кез келген есімді таңдаймын. Кім түссе де, оны торға шақырып, нокаутқа жіберемін және ұйымнан қуып шығамын», — деп Хамитовтың сөзін Sports.kz келтіреді.
Еске салайық, Хамитов пен Махно арасындағы жартылай орта салмақтағы жекпе-жек Қуаттың екінші раундта техникалық нокаутпен жеңуімен аяқталды.
Жекпе-жек қорытындысы бойынша Хамитов кәсіби мансабындағы 29-жеңісіне қол жеткізсе, Махно ММА-дағы 18-жеңілісіне ұшырады.
