Кравец ҚХЛ-дегі «Барыстың» камбэгіндегі шешуші сәтті атады
Михаил Кравец ҚХЛ аясында «Барыстың» «Шанхай айдаһарларын» 4:2 есебімен жеңген матчындағы шешуші сәтті атады, деп хабарлайды Sports24.kz.
Астаналық команда екінші кезеңнің басында екі шайба айырмашылығымен ұтылып жатты, алайда жауап ретінде төрт шайба соқты. Матчтың басты қаһарманы Тайс Томпсон атанды — ол өз есебіне үш дәл соққы жазды.
«Өте қиын болды. Бірінші кезеңде сәл абдырап қалдық, сондықтан гол жіберіп алдық. Соққыларымыз өте аз болды, жалпы жақсы ойнамадық. Бірақ екінші және үшінші кезеңдерде мен қайтадан ойнаудан қорықпайтын әрі жеңіс үшін күресетін өз командамды көрдім. Сан басымдығымызды пайдаланып, гол соққанымыз қуантады, қақпашы да құтқарып қалды... Жалпы, бүкіл команда. Команданы жігерлендірген маңызды төбелес болды — бұл өте жақсы.
Командаға демалыс па? Екі күн демалыс болады, содан кейін қайтадан сапарға шығамыз. Сондықтан екі жаттығу өткізіп, тағы да жолға шығамыз!», - деп бапкердің сөзін Sports.kz келтіреді.
Осы жеңістің арқасында Михаил Кравецтің командасы 25 ұпай жинап, Шығыс конференциясының екінші орнына көтерілді. 4 қарашада қазақстандық команда сырт алаңда челябілік «Трактормен» ойнайды.
