10:0! RAF чемпионы Абу-Дабидегі турнирде қарсыласын тас-талқан етті
Абу-Дабиде RAF еркін күрес турнирі басталды. Кештің алғашқы белдесуінде америкалықтар Кеннеди Блейдс пен Белла Мир чемпиондық атаққа таласты. Лига чемпионы Блейдс қарсыласынан айқын басым түсіп, алғашқы раундта-ақ мерзімінен бұрын жеңіске жетті, деп хабарлайды Sports24.kz.
Кештің алғашқы белдесуінде Кеннеди Блейске тиесілі RAF-тың орта салмақтағы чемпиондық атағы сарапқа салынды. Кездесу басталысымен-ақ қазіргі чемпион бастаманы өз қолына алып, қарсыласына тең дәрежеде күресуге мүмкіндік бермеді. Блейдс ұпайды жылдам жинап, алғашқы раундта есепті 10:0-ге жеткізді. Осындай есеппен белдесу тоқтатылып, америкалық балуан айқын басымдықпен жеңімпаз деп танылды. Осылайша, чемпион өз басымдығын дәлелдеп, атағын сақтап қалу үшін толық белдесу өткізуге мәжбүр болған жоқ.
Чемпиондық белбеуін сәтті қорғаған Кеннеди Блейдс Real American Freestyle лигасындағы жеңістер санын жетіге жеткізіп, жеңіліссіз рекордын 7-0-ге жақсартты. Америкалық спортшы промоушенде жеңіліп көрмеген және орта салмақтағы чемпиондық атағын сақтап келеді. Белла Мир үшін бұл RAF-тағы екінші жеңіліс болды. Енді оның ұйымдағы көрсеткіші — бір жеңіс және екі жеңіліс (1-2).
RAF Abu Dhabi турнирінің басты оқиғасы аралас жекпе-жек жұлдыздары Хамзат Чимаев пен Крис Вайдманның кездесуі болмақ. Қарсыластар RAF Crossover-дың жартылай ауыр салмақтағы чемпиондық атағы үшін белдеседі.
