«Трактор» — «Барыс»: ҚХЛ матчін онлайн көру. LIVE-трансляция
Бүгін, 4 қарашада, Астананың «Барысы» Құрлықтық хоккей лигасының (ҚХЛ) тұрақты чемпионатындағы кезекті матчын өткізеді. Қазақстандық команданың қарсыласы челябинскілік «Трактор» болады, деп хабарлайды Sports24.kz.
Кездесу Челябинскіде өтеді. Ойынның басталуы Қазақстан уақытымен 16:00-ге жоспарланған. Матчтың тікелей трансляциясын «Qazsport» телеарнасы көрсетеді.
«Барыс» 21 матчтан кейін 25 ұпай жинады. «Трактордың» дәл осынша ойыннан кейін 19 ұпайы бар.
Қазақстандық клуб бұл кездесуге қатарынан екі қонақтағы жеңістен кейін келеді. Алдыңғы матчта Михаил Кравец шәкірттері «Шанхай Драгонсты» 4:2 есебімен жеңсе, оған дейін минскілік «Динамоны» 1:0 есебімен ұтқан.
Ал «Трактор» қатарынан үш рет жеңіліс тапты. Челябинск командасы мәскеулік ЦСКА-ға екі рет есе жіберді (1:5 және овертаймда 2:3), сондай-ақ минскілік «Динамодан» (2:3) ұтылды.
Командалар соңғы рет ҚХЛ аясында 2025 жылғы 23 желтоқсанда Астанада кездесті. Сол жолы «Трактор» 2:0 есебімен жеңіске жетті.
