«Локомотивті» ойсырата жеңгеннен кейін «Барыстың» ҚХЛ-дегі турнирлік жағдайы
Астаналық «Барыс» ҚХЛ тұрақты чемпионатының матчында ярославльдік «Локомотивті» (5:0) ойсырата жеңді, деп хабарлайды Sports24.kz.
Астаналық команда қарсыласының қақпасына жауапсыз бес шайба соқты. Дәл соққыларын Джейк Масси, Логан Дэй, Джастин Бэйли, Ансар Шайхмедденов және Семен Симонов дәлдікпен орындады.
Осы матчтан кейін астаналық ұжымның еншісінде сегіз ұпай бар. Михаил Кравецтің командасы алты ойыннан кейін төрт жеңіс пен екі жеңіске жетіп, Шығыс конференциясында бесінші орында тұр.
Шығыста 11 ұпаймен магнитогорскілік «Металлург» көш бастап келеді. «Салават Юлаев», «Нефтехимик» және «Ақ Барстың» еншісінде тоғыз ұпайдан бар.
Батыста 12 ұпаймен «Локомотив» көш бастап тұр, «Спартак» пен СКА-да 10 ұпайдан, ал «Торпедо» мен мәскеулік «Динамода» 8 ұпайдан бар.
Астанаға оралғанға дейінгі сырт алаңдағы сериясын «Барыс» 22 қыркүйекте Мәскеуде «Динамоға» қарсы матчпен аяқтайды.
