Фотосуреттер және төрешіге наразылық: Моуринью «Атлетикодан» дербидегі жеңілістен кейін от жақты
«Реал» бас бапкері Жозе Моуринью Мадрид дербиінде «Атлетикодан» (1:2) жеңілгеннен кейін төрешіні аяусыз сынға алды, деп хабарлайды Sports24.kz.
Португалиялық бапкер матчтан кейінгі баспасөз конференциясына жай ғана сөзбен келген жоқ — ол даулы сәттердің басып шығарылған фотосуреттерін алып келіп, журналистерге көрсетті.
Моуринью «Атлетико» ойыншылары кем дегенде екі жағдайда бірден қызыл қағаз алуы керек болғанын айтты. Бапкердің пікірінше, бұл эпизодтар матчтың өту барысына айтарлықтай әсер еткен.
«Баспасөз конференциясына жұмсайтын уақытымызды үнемдеуге болар еді. Матчтың мәні дәл осы жерде, мына қағазда тұр. Бұл — төреші көрсетпеген екі қызыл қағаз. Біз 11-ге 9 қарсы ойнауымыз керек еді!», — деді Моуринью.
Португалиялық бапкер Мадрид дербиіне төрешінің тағайындалуын да сынға алды. Моуриньюдің айтуынша, төреші мұндай деңгейдегі матчтарды өткізуге қажетті тәжірибеге ие емес және халықаралық деңгейде жұмыс істеп көрмеген.
«Бұл төрешінің Мадрид дербиін өткізу тәжірибесі жоқ. Ол тіпті халықаралық матчтарға да төрелік етпеген. Неліктен екенін білесіздер ме? Өйткені ол біліксіз», — деді португалиялық бапкер.
Сонымен қатар бапкер ойыншыларының бар күшін салғанын атап өтіп, Испанияға оралғаннан кейін басқа Ла Лиганы көремін деп күткенін, алайда көңілі қалғанын айтты.
