Кравец «Барыстың» «Адмиралға» қарсы матчтағы құрамын атады
4 қарашада ҚХЛ тұрақты чемпионаты аясындағы матч өтеді. Бұл кездесуде астаналық «Барыс» сырт алаңдағы сериясын жалғастырып, Владивостоктың «Адмиралына» қарсы ойнайды, деп хабарлайды Sports24.kz.
Кездесудің тікелей трансляциясын Qazsport телеарнасынан көруге болады.
«Адмирал» — «Барыс»: ҚХЛ матчының тікелей трансляциясы. Онлайн көру
Астаналық команданың бас бапкері Михаил Кравец ойынға шығатын құрамды жариялады.
«Барыстың» құрамы:
Шутов (Шепард);
Логвин - Пилон - Бэйли, Масси - Дэй;
Симонов - Морелли - Томпсон, Маккошен - Данияр;
Омирбеков - Шестаков - Қайыржан, Бритиков - Приски;
Саркенов - Шайхмедденов - Асетов, Ляпунов - Бекетаев.
22 матчтан кейін «Барыс» 25 ұпай жинады, ал «Адмиралдың» еншісінде 23 ұпай бар.
Алдыңғы матчында Қиыр Шығыс командасы өз айдынында санкт-петербургтік СКА-ны 4:0 есебімен ойсырата жеңді. Ал астаналықтар сырт алаңда челябілік «Тракторға» 1:2 есебімен есе жіберді.
Командалар биылғы маусымда 21 қазанда Владивостокта кездескен. Сол ойында «Адмирал» овертаймда 5:4 есебімен жеңіске жетті.
Ресми турнирлердегі соңғы бес өзара кездесуде «Барыс» қарсыласын екі рет жеңген. Алайда қазір қазақстандық клубтың «Адмиралға» қарсы матчтардағы жеңіліс сериясы қатарынан үш ойынға жетті.
