Элина Базарова Назым Қызайбайды сенсациялық түрде жеңіп, бокстан Қазақстан чемпионы атанды
Шымкенттік боксшы Элина Базарова 2026 жылғы Қазақстан чемпионатында 54 келіге дейінгі салмақ дәрежесінде алтын медаль жеңіп алды, деп хабарлайды Sports24.kz.
Финалдық жекпе-жекте Базарова Қазақстанның ең атақты спортшыларының бірі — Алматы қаласының өкілі Назым Қызайбайды жеңіп, сенсация жасады.
Осылайша, Элина Базарова өз салмақ дәрежесінде Қазақстан чемпионы атанып, үш дүркін әлем чемпионы Назым Қызайбайға күміс медаль бұйырды.
Назым Қызайбай — Қазақстандағы ең атақты боксшы. Оның қоржынында әлем чемпионаттарының бес медалі бар, олардың үшеуі — алтын. Сонымен қатар ол 2024 жылы Парижде өткен Олимпиада ойындарында қола медаль жеңіп алды.
Қазақстандық боксшылардың ешқайсысы әлем чемпионы атағын Қызайбайдан көп жеңіп алған емес. Ал оның негізгі салмақ дәрежесі — 48 келіге дейінгі санат.
Элина Базарова кім?
Шымкент қаласының 22 жастағы өкілі 2022 жылы жастар арасындағы әлем чемпионатында жеңіске жетті. Ересектер деңгейінде ол Қазақстан чемпионы атанып, беделді халықаралық «Странджа кубогі» турнирінде де топ жарды.
Өткен жылы Базарова кәсіби рингтегі дебютін жасады. Алғашқы жекпе-жегінде ол өзбекстандық боксшы Ситора Шогдарованы сенімді түрде жеңді.
