КХЛ «Барыс» – «Авангард» матчының кейінге шегерілгенін хабарлады
Континенттік хоккей лигасы Астананың «Барысы» мен Омбының «Авангарды» арасындағы матчтың басталу уақытын өзгерткенін хабарлады, деп жазады Sports24.kz.
Уақыттың өзгеруі телеарналардағы тікелей трансляцияны ұйымдастыру қажеттілігіне байланысты болды.
Осылайша, лига «Барыс Аренада» өтетін №147 «Барыс» (Астана) – «Авангард» (Омбы) матчының (2026 жылғы 10 қазан) басталу уақытын Қазақстан уақытымен 17:00-ден 16:30-ға ауыстыру туралы шешім қабылдады.
Ал «Барыстың» алдағы матчы туралы айтатын болсақ, бүгін, 22 қыркүйекте, астаналық клуб сырт алаңдағы ойындар сериясы аясындағы соңғы кездесуін Мәскеудің «Динамосына» қарсы өткізеді. Командалар өзара кездесудің алдында сегіз ұпайдан жинаған, алайда «Барыс» бір ойын кем өткізді.
Мәскеудегі матч Астана уақытымен 21:30-да басталады. Осы кездесудің тікелей трансляциясын қай жерден көруге болатынын осы жерден біліңіз.
Бұған дейінгі сырт алаңдағы үш ойында Михаил Кравец шәкірттері үш рет ірі есеппен жеңіске жетті. «Барыс» Тольяттидің «Ладасын» (0:6) және Ярославльдің «Локомотивін» (0:5) жеңсе, Магнитогорскінің «Металлургіне» (3:0) жол берді.
