«Барыс» - «Авангард»: Кравец бастапқы құрамды атады
10 қазанда ҚХЛ тұрақты чемпионаты аясында «Барыс» өз айдынында омбылық «Авангардты» қабылдайды, деп хабарлайды Sports24.kz.
Астанадағы матчтың алғашқы ысқырығы 16:30-да естіледі. Кездесудің тікелей трансляциясын Qazsport телеарнасынан көруге болады.
Астана командасының бас бапкері Михаил Кравец ойынға қатысатын құрамды жариялады.
«Барыстың» құрамы:
Шутов (Шепард);
Масси — Дэй, Логвин — Пилон — Бэйли;
Маккошен — Данияр, Симонов — Морелли — Томпсон;
Бритиков — Приски, Омирбеков — Шестаков — Ляпунов;
Бекетаев — Алибек, Савицкий — Шайхмедденов — Асетов.
Айта кетейік, Кравец шәкірттері бұл ойынға мәскеулік «Спартакты» сырт алаңда жеңгеннен кейін шығады. Астаналық клуб буллиттер сериясында 4:3 есебімен жеңіске жетті. «Авангард» та соңғы матчында сырт алаңда жеңіске жеткен. Омбылық команда төменқамдық «Нефтехимиктен» 1:0 есебімен басым түсті.
Қосымша айта кетсек, бүгінгі матч алдында «Барыстың» еншісінде 14 ұпай бар (кестеде 7-орын). «Авангард» 12 ұпай жинаған (9-орын). Екі команда да ҚХЛ-дың жаңа маусымында 12 матчтан өткізді.
