Қазақстан құрамасының шабуылшысы Алексей Зубов допинг үшін үш жылға шеттетілуі мүмкін

Хоккей Бүгін 09:40

Марлен Аманов

sports24 сарапшы

"Торпедо" және Қазақстан құрамасының шабуылшысы Алексей Зубов үш жылға спорттан шеттетілуі мүмкін деп хабарлады "Головой об Лед" YouTube – каналы.

Ақпарат көздерінің мәліметінше, Азия чемпионаты кезінде алынған допинг-сынамасында тыйым салынған заттың іздері табылған. Зубовтың айтуынша, бірнеше жыл бұрын ол құрамында бұл зат бар спорттық қоспаны қолданған.

Қазақстан құрамасы мен Өскеменнің "Торпедо" клубы ойыншының уақытша матчтарға қатысуына тыйым салынғаны туралы хабарлама алған. Қазіргі уақытта шабуылшы тәртіптік комиссияның соңғы шешімін күтуде.

Айта кетейік, 2013 жылы Илья Соларев те тыйым салынған заттардың тізіміне кіретін сальбутамол қолданғаны үшін екі жылға шеттетілген болатын.