Ақжол Дарыбай: “Біз жеңіске жете алар едік, бірақ сәттілік жетпей қалды”
Қазақстан ұлттық құрамасының ойыншысы Ақжол Дарыбай Еуро-2026 іріктеу кезеңі аясында Армения командасымен өткен ойын туралы пікір білдірді.
“Біз ойынды нашар бастадық, өз қарқынымызды таба алмадық. Қарсыласымыздың соққан голы бізді оятып жіберді десек те болады. Өздеріңіз көргендей, біз жеңіске жете алар едік, бірақ бізге сәттілік жетпей қалды. Өкінішке орай, өз мүмкіндіктерімізді пайдалана алмадық. Армения құрамасы – өте мықты команда, олар да әрдайым жеңіске ұмтылады. Барлық жанкүйерлерге өз алаңымызда көрсеткен қолдаулары үшін алғыс айтамын. Олар бізге кейбір сәттерде көмектесті, әрі қарай жеңіске жету үшін күш-жігер берді”, – деп Дарыбайдың сөздерін Meta-ratings.kz жеткізді.
Айта кетейік, Қазақстан мен Армения құрамалары арасындағы матч 4:4 есебімен аяқталған болатын.